حببى اطفالك فى البيض وقدميه بطريقة مبتكرة

خطوات بسيطة جداً لأعداد هذه الوصفة 

* أحضرى قالب صغير  وأدهنيه بالزيت

* قطعى فلفل أخضر وألوان  وزيتون وطماطم وممكن جبنة  ويمكن إضافة بسطرمة حسب الرغبة

* فى الخلاط أضربى 3 بيضات + 2 ملعقة دقيق  + ربع كوب لبن + ملح وفلفل 

*  ضعى خليط البيض على الفلفل والزيتون والجبنة  قلبيهم ف بعض  وصبيهم فى القالب 

* ضعى القالب فى الفرن حتى بنضج 

* وممكن وضع الخليط فى قالب الكب كيك  

قدمى البيض وبالهنا والشفاااا

سلطة الطحينة الكدابة

الطحينة الكدابه

2 رغيف عيش فينو محمص .. بلى العيش فى الماء واعصريهم جيداااا 

حطيهم فى الخلاط مع عصير ليمونة + فص توم + معلقة زيت +

 رشة ملح + رشة فلفل + رشة كمون + ملعقتين طحينه 

 اضربيهم كويس جدااا و  كلى احلى طحينة كدابة  

 وبالهنا والشفا 

البرجر البيتى بالخلطة السرية

البرجر البيتى بالخلطة السرية  

البرجر هو طعام مفضل للجميع وخصوصا الاطفال  ونحن اليوم سنقدم لكم وصفة لاعداد  البرجر فى المنزل مع تكلفة أقل  من شراءه من الخارج .. ومع ضمان لنظافه ما تاكل  وسلامته 

وإليكم الطريقة 

.

.

.

المقادير 

نص كيلو لحم مفروم 

بصله صغيرة مفرومة ناعم جداً

ملعقة صغيرة بابريكا 

نص ملعقة توم بودر

نص ملعقة بصل بودر

معلقة كاتشب 

بيضه 

مستردة 

ملح + فلفل  + بهارات حسب الرغبة 

ملعقة صغيرة زيت

ملعقة كبيرة بقسماط مطحون

الطريقة

  

حطى المكونات على بعضها واعجنيها كويس اوى 

كوريها  وبططيها زى الفطيرة وتبقى لا رفيعة ولا تخينه  واعملى حساب انها بتكش شوية 

وضعيها على صنية ودخليها التلاجة ترتاح شوية 

طريقة التسوية .. ممكن على الطاسة التيفال او الشواية الكهربائية  ..

 ضعى نقطتين زيت  وضعى البرجر على الطاسة  وقلبى بقا لحد ما يستوى 

** حضرى العيش وادهنيه كاتشب ومايونيز من فوق ومن تحت  رصى شريحة الطماطم وفوقيها البرجر  وشريحة الجبنة والخس 

ويمكن أضافة الخيار المخلل  .. وأضافة طبقة أخرى من البرجر (( حسب الرغبة ))

ويقدم 

طريقة عمل العجه

طريقة عمل العجة مضمونه 100%

المقادير

بصله متوسطة مفرومة

2 فص توم مفروم

نص حزمة شبت + نص حزمة بقدونس مفرومين

3 جبة طمام مبشورين

2 حبة بطاطس مسلوقة ومهروسة (( يمكن الاستغناء عنها))

فلفل رومى مقطع مكعبات

ملح + فلفل + رشه قرفة + رشة كمون + شطة

6 بيضات

نص ملعقة بيكنج بودر

الطريقة

* شوحى البصله فى شوية  زيت  حتى تاخذ اللون الاصفر  ثم ضيفى التوم  دقيقتين وضيفى الطماطم  وقلبى  لحد ما تبدأ تشرب ميتها 

* ضيفى الخضرة المفرومة وقلبيها وضيفى البطاطس المهروسة وقلبى وضيفى البهارات  واتركيها تبرد 

* اضربى البيض فى الخلاط  وضيفيه على الخليط  وفلبى كويس وضيفى البيكنج بودر 

* صبى الخليط فى صنية مدهونة زيت ودخليها الفرن حتى تنضج

* قطعيها وقدميها 

بالهنا والشفا 

طريقة عمل العيش البلدى

المقادير 

كيلو دقيق اسمر (بلدى )

ملعقة ملح 

قطعة خميرة فى حجم عين الجمل ( او ملعقة كبيرة خميرة فورية)

ملعقة سكر 

ماء دافىء للعجن 

الطريقة 

* تعجن المكونات إلى ان تتماسك العجينة  ويضاف لها القليل من الدقيق إذا احتاجت ذلك .. ثم تغطى وتترك ساعة 

* تقطع العجينة كور متساوية  ويرش القليل من الدقيق  وتفرد العجينة بالنشابة

  * أخبزى العيش فى فرن ساخن وشغلى الشواية ليحمر الوجه 

طريقة عمل البسبوسة

طريقة عمل البسبوسة مضمونة 100%      

وللحصول على افضل نتيجة نستخدم كوب واحد نعاير بية المقادير التالية 

المقادير 

كوب ونصف دقيق بسبوسة ( سميد) 

نصف كوب جوز هند 

كوب سكر

  ربع كوب سمن  ( درجة حرارة الغرفة )

كوب زبادى ( بنفس الكوب اللى عايرتى بيه السميد )

ربع ملعقة بيكنج صودا ( اوعى تزودى عن ربع ملعقة )

الطريقة 

اولا :  تدهنى صنية مقاس 30 او 28  مش أصغر من كدة

ثانياً : فى بولة فارغة ضعى السكر على السمن والزبادى وقلبى كويس لما تبقا زى الكريمة  وضيفى دقيق البسبوسة مع 

جوز الهند  والبيكربونات وتقلبى تقليبة واحدة بس والعجينة بتبقى تخينة  ودة سر نجاحها 

وتفرديها فى الصنية  وتخبطى الصنية  عشان تتساوى 

وتسبيها نص ساعة ترتاح قبل الفرن  ومتقلقيش هتبقا جميلة  وممكن تزينى وشها بالمكسرات اللى تحبيها 

وشغلى الفرن على درجة حرارة 200 وبعد النص ساعة دخليها الفرن 

وهى فالفرن حضرى الشربات 

2 كوب سكر +2 كوب ماء  + عصير نصف ليمونة  

حطيهم عالنار يغلو خمس  دقايق مش اكتر 

والبسبوسة تبقا سخنة والشربات سخن  

واسقى البسبوسة بالشربات واتركيها تبرد  وقدميها 

وبالهنا والشفا 

عصير ليمون بالنعناع

إذا كنت ممن يحبون العصائر نختار لك عصيراً لذيذاً .. إنه عصير ليمون بالنعناع  .. حيث تشكل إضافه النعناع لعصير الليمون 

مذاقاً مميزاً  .. كما انه يخفف من درجة حمض الليمون  ... اتبعى طريقة التحضير  وجربى ذلك بنفسك 

المكونات 

5 حبات ليمون كبير 

كمية نعناع حسب الرغبة 

سكر 

ماء مثلج 

الطريقة 

* اغسلى الليمون جيداً وقطعية إلى أرباع 

* ضعى الليمون فى الخلاط مع القليل من النعناع والسكر وثيفى نصف كمية الماء إلى الليمون فى الخلاط

* قومى بخلط الليمون مع الماء والنعناع بشكل جيد  .. وخذىخليط الليمون وصفية داخل  وعاء كبير

* قومى بإعادة كمية الليمون المتبقية إلى الخلاط وضيفى باقى كمية الماء والسكر إلى الليمون وقومى بخلط المكونات مرة اخرى

* صفى العصير جيداً وتخلصى من بقايا الليمون 

* اسكبى العصير إلى اكواب التقديم واضيفى إلية التلج 

سلطة البنجر

مقادير سلطة البنجر 

كمية من البنجر

سكر + خل 

 الطريقة 

1- اغسلى البنجر جيداا  

2 - ضعى البنجر سليم بدون تقشير   فى حلة  وغطية بكمية من الماء واضيفى معلقتين خل  وسبيه على النار يستوى 

3- عشان تعرفى انو استوى تدخلى فيه سكينة .. لو دخلت علطول  تطفى عليه وتصبية فالحوض واغسليه بماء بارد

وافركى القشرة بإيدك هتطلع علطول وهو  سخن

4 - قطعية مكعبات وحطية ف برطمان وحطى خل كتير وسكر كتير 

و متقلقيش لو السكر زاد لان هو اللى بيظبط الطعم وقلبيه كويس ودخلية التلاجة وكلية تانى يوم

 بالهنا والشفا 

كفته الأرز واللحمة

المقادير 

1/2 كيلو لحمة مفرومة 
كوب أرز مطحون
3-4 فصوص ثوم 
بصلة كبيرة
حزمة كزبرة
ملح - فلفل 
نصف معلقة صغيرة كربوناتو  (يمكن الاستغناء عنها )




الطريقة

 1- تقومى بفرم كلا من البصل والثوم والكزبرة فرم ناعم جداً 
2- تقومى بإحضار اللحمة ووضع الخليط فوقها مع الملح والفلفل ونعجن جيداً
3-ثم ننزل بالأرز واحدة واحدة مع العجن ولو حبيتى ممكن تضيفى الكربوناتو
4-نعمل العجينة على هيئة كرات ونقليها فى الزيت 
5- نقوم بعمل صلصة الطماطم
وطريقة عملها هى معلقة سمنه وفصين ثوم مفروم يتحمروا فى السمن وبعدين 
نضع 2 كوب من عصير الطماطم مع الملح والفلفل والبهارات وتترك حتى تتسبك
6- وبعد عمل صلصة الطماطم نضع فيها الكفته المحمرة وتترك لتغلى على النار
هادئة لمدة 7 دقائق مش أكتر علشان الكفته ما تفكش
7- تقدم ساخنة مع الأرز المفلفل 
  وبالهنااااااااااااااااااااااااااااااااا والشفااااااااااااااااااااااااااااااااااا

سلطة الكول سلو

 الطريقة 

1- كرنبة صغيرة (( او قلب كرنبة مع بعض الاوراق القريبة منه ))

2- جزر مبشور 

3- نص كوب لبن رايب  

4- كوب ونص سكر ناعم 

5-   3 معالق مايونيز 

6- رشة ملح + رشة فلفل ابيض 

الطريقة 

- هنضرب الكرنب فالكبة للحصول على طعم سلكة كنتاكى 

او نبشر الكرنب بالمبشرة للحصول على طعم سلطة بيتزا هت

واكيد هتسألو الفرق فالتقطيع بيفرق فالطعم ؟؟ اقولك اه بيفرق 

- نحط الكرنب ف طبق غويط ونحط علية اللبن الرايب واوعى تزودى كمية اللبن  

ونحط السكر ونقلب من تحت لفوق عشان السكر يدوب 

- حطى رشة الملح والفلفل والجزر وتقلبى تانى كويس 

- ومتقلقيش من كمية السكر هتبقا حلوة اوى ورشة الملح هتعادل الطعم 

ومتقدريش تحكمى إن السكر زايد إلا بعد مرور ساعتين على الاقل 

لان الطعم بيتظبط بعد نزول السوائل اللى فالكرنب والجزر 

- ضيفى كمية المايونيز وقلبى كويس وقدميها 

وبالهنا والشفااااااااا

طريقة كب كيك الشيكولاتة الهش اللذيذ

تتميز الكب كيك بشكلها الرائع والمشهى للأطفال وصغر حجمها والذى يجعلها مناسبة جداً  

كوجبة مدرسية مناسبة للأطفال 

المقادير 

.

.

كوب دقيق 

نص كوب كاكاو خام بدون سكر

 كوب سكر 

نص كوب زبدة لينة 

ثلاثة ارباع كوب حليب 

ملعقتين  صغيرتين بيكنج بودر  

ربع ملعقة صغيرة فانيليا 

2 بيضة 

للتزيين 

كريم شانتية او حسب الرغبة 

كريمة خفق 

وألوان خاصة بالحلويات  ( لتلوين الكريم شانتية )

الطريقة 

1-  نخفق الزبدة مع السكر بالمضرب الكهربى حوالى خمس دقايق  حتى الحصول على ملمس كريمى ناعم 

2- نضيف البيض واحدة واحدة  والفانيليا ويخفق جيداً 

3- ننخل الدقيق مع الكاكاو والبيكنج بودر 

4- نضيف خليط الدقيق والكاكاو بالتدريج على خليط الزبدة والبيض  ونقلب بالمعلقة ثم نضيف اللبن  ونقلب 

5- نصب الكيك فى صنية الكب كيك  وندخله فرن ساخن لمدة من 15 إلى 20 دقيقة 

6- لحد ما يبرد نجهز الكريمة  نضرب ربع كوب كريمة خفق مع كيس صغير كريم شانتية حتى نحصل على قوام  مظبوط 

ونزين الكب كيك بالكريمة والشيكولاتة  المبشورة او ( حسب الرغبة )

بالهنا والشفااااااااا

أحلى طبق مقبلات من تركيا (مامزانا)

 المقادير

2 بادنجان 
2 حبة طماطم 
4 فلفل الوان 
1/2 حزمة بقدونس مفروم 
2 علبة زبادى 
2-3 فصوص ثوم مفروم 
2 معلقة كبيرة زيت زيتون
ذرة ملح وفلفل (على حسب الرغبة )




الطريقة 

1- نقلى البادنجان نصف قليه فى زيت 
2- نحضر الكبة ونضع فيها جميع المكونات مع البادنجان ونضربهم 
3- يقدم هذا الطبق الشبيه بطبق بابا غنوج وبالهناااااااااااااااا والشفاااااااااااااااااااا

الخرشوف بالبشاميل

المقادير 

1/2 كيلو خرشوف مسلوق 
1/4 كيلو لحمة معصجة 
كوب من البشاميل 
ملح وفلفل وزيت 
1/2 كوب مرقة 
جبنة مونزريلا مبشورة




الطريقة

1- تحضرى الخرشوف المسلوق وتقليه فى الزيت
2-تحضرى صنية بيركس وتصعى بها نصف كوب من المرقة فى القاع ونرص فوقيها الخرشوف 
3-تضعى على كل حبة من الخرشوف معلقتان من اللحمة المعصجة 
4-ثم ضعى على كل حبة من الخرشوف معلقة من البشاميل 
5- وتضعى فوقها رشة من الجبنة المونزريلا (حسب رغبتك )
6- تدخلها الفرن على درجة حرارة متوسطة حتى يتحمر الوجه 
7-تقدم ساخن وبالهنااااااااااااااااا والشفاااااااااااااااااا

الكبده الأسكندرانى

المقادير 

كيلو كبده مقطع شرائح 

3 فصوص ثوم مفروم 

زيت زيتون 

ملح- فلفل- بهار كبده

ليمون معصور 

فلفل ألوان مقطع شرائح 

طريقة التحضير

1- تقومى بفرك الثوم والليمون مع الكبده جيدا وتتركيها لمده ساعة فى الثلاجة 

2- تحضى طاسة وتقومى بتسخين الزيت فيها ونضع الكبده ونقلب كويس

3- ونضع الفلفل الشرائح وبهار الكبده والملح والفلفل مع التقليب المستمر لمده خمس دقائق فقط

4- تقدم وهى ساخنة فى طبق التقديم أو نضعها فى السندويتش مع عصرة ليمون بسيطة

وبالهناااااااااااااااااااااااااااااااااا والشفاااااااااااااااااااااااااااااا

طريقة عمل الكرواسون

المقادير 

نص كيلو دقيق 

ملعقة كبيرة خميرة

ملعقة صغيرة بيكنج بودر 

ملعقة صغيرة ملح

ملعقة كبيرة سكر

كوب ماء بارد للعجن

كوب حليب 

كوب زبدة

الطريقة 

* توضع الخميرة مع اللبن الدافىء والسكر  وتترك لتخمر 

* ونضيف الدقيق والملح ثم الخميرة وتعجن بالماء حتى تتماسك العجين ونتركها لترتاح

* نفردها بالنشابة بشوية دقيق  ونحط شريح الزبدة على العجين ونفردها عليها 

 ونطبق الاطراف ثم نفردها مرة اخرى ثم نطبقها  ونفردها  وهكذا  بحيت تمتزج الزبدة مع العجين

ونتركها فى التلاجة مدة 12 ساعة 

* نخرجها من التلاجة  ونفردها ونقطعها على شكل مثلثات

 ونضع ملعقة من الحشو سوء كان حلو او حادق  على قاعدة المثلث  ونلفها فى إتجاه  رأس المثلث

* نرصهم فى صنية الخبز ونتركها  ترتاح ساعة قبل خبزها

* وتضع بالفرن على درجة حرارة 200 حتى تمام النضج 

وبالهنا والشفاااااااا

كانيلونى باللحمة المفرومة

المقادير 

كوب دقيق 

كوب ونص لبن 

2 بيضة 

رشة ملح 

رشة فلفل 

معلقة زيت

(( هذه الكمية تكفى لعمل 8 وحدات صغيرة من  الكانيلونى ))

ويمكنكم مضاعفه الكمية 

مقادير الصلصة  الحمراء 

  

معلقتين صلصة جاهزة + ملح وفلفل 

مقادير الحشو 

لحمة مفرومة معصجة وجبنة مودزريلا 

الطريقة 

نضع البيض فى بولة متوسطة  ونخفقه بالمضرب اليدوى ثم نصب كمية اللبن 

ونضع الملح والفلفل 

ثم نصع الدقيق حبة حبة ونقلب حتى نحصل على عجينة قوامها مثل الكريمة 

ويمكن ضرب العجينة فى الخلاط حتى  يمتزج الدقيق تماما 

نترك العجينة ترتاح  حوالى ساعة فى التلاجة 

بعد ساعة  هنجيب طاسة تيفال ونسخنها عالنار  وندهنها قليل من الزيت 

ونضع كمية من العجينة بمعلقة كبيرة او  كابشة 

ونلف الكاسة فى إتجاه واحد ونخليها رفيعة 

ولما نحس انها استوت نقلبها عالناحية التانية 

ونكرر العملية حتى ننتهى من الكمية كلها 

* نحضر الصلصة  وهى معلقتين صلصة جاهزة ونضيف عليهم ملح وفلفل ونقلب كويس 

* وهنكون معصجين اللحمة بالطريقة اللى تعجبكم 

* كدة عندنا كل حاجة جاهزة ( الكانيلونى واللحمة والصلصة والجبنة المودزريلا )

* بعد كدة هنحشى الكانيلونى  باللحمة ونلفه وندهن الوش بالصلصة ونحط الجبنة عالوش  وندخله الفرن حوالى تلت ساعة 

ودوقى احلى كانيلونى باللحم المفروم 

وبالهنا والشفااا

تورته الزبادى والجيلى

المقادير 

3 باكوجيلى فراولة 

1كوب سكر بودرة 

1كوب ماء مغلى 

4 علب زبادى 

2 كوب كريم شانتيه 

الأرضية (الكيكة)

4 بيضات 

1/2 كوب سكر 

3/4 كوب دقيق 

فانيليا 

معلقة صغيرة بكينج بودر 

طريقة تحضير الكيكة 

1- أحضرى إناءين وقومى بفصل البياض عن الصفار 

2-ضعى رشة ملح على بياض البيض ثم أخفقيه بالمضرب الكهربائى حت يصبح مثل الكريمة 

3-أحضرى صفار البيض وضعى عليه السكر والفانيليا وأخفقيهم بالمضرب 

4- ضعى خليط الصفار على خليط البياض 

5-انخلى الدقيق فوق الخليط لضمان دخول الهواء داخل الخليط حت تصبح الكيكة هشة وجيدة 

6-ضعيها فى صنية مقاس 30 وأدخليها فى الفرن على درجة حرارة 180 درجة لمده 30 دقيقة 

طريقة تحضير خليط الوجة 

قومى بإحضار عبوات جيلى الفراولة مع الماء المغلى وذوبيهم جيداً 

ضيفى عليها الزبادى والكريمة وقلبيهم جيداً 

ملحوظة 

1-يمكن وضع كل المكونات فى الخلاط الكهربائى وضربهم جيدا 

2- يمكن عمل الكريمة فى المنزل وتحضرى كيس كريم شانتيه وتحضرى كوب من اللبن المثلج وتقومى بخفقهم جيدا بالمضرب وتضفيهم ألى الخليط

 وبعد خروج الكيكة من الفرن وتركها لتبرد مدة 5 دقائق 

1-احضرى الكيكة وأحضرى صنية أخرى نفس مقاس صنية  الكيكة

2-وادهنيها بالزيت ثم غطى جوانبها بورق الزبدة 

3-اقسمى الكيكة بالعرض ألى قسمين وضعى فى الصنية الأخرى أرضية الكيكة (ويمكن الأستغناء عن هذه الخطوة وعمل الكيكة كلها مرة واحدة وأنا شخصياً بعمل كده)

4-ضعى خليط الفراولة والزبادى والكريمة عليها

5- ادخلى الخليط فى الثلاجة لمدة 3 ساعات 

6-ثم اخرجيها من الثلاجة وأنزعى ورق الزبدة من الجوانب 

7-زينيها بورود مصنوعة من عجينة السكر أو عجينة اللوز 

8 تقدم بارده وبالهناااااااااااااااااااااااا والشفاااااااااااااااااا ويا رب تعجبكم 

شيش طاووق فراخ بالكارى

المقادير 

كيلو دجاج مخلى ومقطع مكعبات 

معلقة كبيرة كارى 

معلقة كبيرة كركم 

ماء بصلة معصورة 

ربع كوب زيت 

بصل مقطع مكعبات

بصل بودرة 

عصير ليمونه 

معلقة خل 

طماطم مقطع مكعبات كبيرة

ملح - فلفل 

بهارات فراخ 

اعواد خشبية 

بقدونس للزينة 

التحضير 

1-فى بولة كبيرة اخلطى كل المكونات جيداً 

2-اتركى البولة فى الثلاجة لمدة 6 ساعات

3-ادخلى قطع الفراخ فى الاعواد الخشبية بالتبادل مع الطماطم والفلفل الملون والبصل المقطع 

 ملحوظة : يجب ان تنقى الأعواد الخشبية فى الماء لمدة ساعة قبل الاستخدام منعاً لإحتراقها 

4-نسخن الزيت فى الجريل جيداُ ثم نشوح فيها اسياخ الفراخ

5- نرصها فى صنية ندخلها الفرن على درجة حرارة 180 درجة لمدة نصف ساعة تقريباً 

6- تقدم ساخنة فى طبق التقديم بعد وضع البقدونس فى ارضية الطبق 

وبالهنااااااااااااااااااااااا والشفاااااااااااااااااااااااااااا

مكرونه فيتوتشينى بالسجق

 

المقادير 

مكرونة فيتوتشينى مسلوقة

فلفل احمر حار

سجق شرائح 

زيت 

معلقة كبيرو صويا صوص 

معلقة كبيرة ثوم مفروم 

فلفل الوان مقطع شرائح 

معلقة كبيرة صلصة 

معلقة كبيرة خل 

كوب كريمة لبانى

التحضير

1- نشوح السجق فى الزيت وبعدين نضيف الصلصة والخل والثوم والصويا صوص والفلفل الالوان

2-نتركها لدقائق ثم نضيف عليها الكريمة البانى ونقلب كويس وبعدين ننزل بالمكرونة وأخلطيها كويس جدا

3- تقدم وهى ساخنة فى طبق التقديم وعليها قرون الفلفل 

 وبالهناااااااااااااااااااااااا والشفااااااااااااااااااااااااااا

شاتوه الشيكولاته اللذيذة

المقادير 

كوب لبن 

كوب سكر 

1/4 كوب زيت ذرة 

كوب دقيق 

3 بيض 

رشة فانيليا 

معلقة كبيرة او 2 من البيكنج بودر

4 معالق كبيرة من الكاكاو الخام 

الطريقة 

1- نضع اللبن مع السكر والزيت والكاكاو ونضربها كويس فى الخلاط الكهربائى 

2- نقوم بأخذ كوب من الخليط ونضعه فى الثلاجه مؤقتاً 

3-ونقوم بضرب البيض والفانيليا معأ بالمضرب الكهربائى 

4- نقوم بإضافة الدقيق المنخول والبيكنج بودر الى البيض والفانيليا ونضربهم جيدا

5-تكونى مسخنة الفرن على درجة حرارة 180 درجة  وتدخلى فيها الصنية وتتركيها لمدة حوالى 40 دقيقة 

 6- نقوم بإخراج الصنيه بعد عمل اختبار النضج بسكين رفيع للتأكد من تمام النضج 

7- نقوم بتركها لدقيقتين لتبرد ثم نضيف لها كوب صوص الشيكولاته المحضر مسبقاً فى الثلاجة 

8-يقطع الكيك ويقدم باردا فى طبق التقديم 

وبالهنااااااااااااااااااااااااااا والشفااااااااااااااااااااااااا

مكرونة بكرات اللحم والصلصة (طعم خطير )

المقادير 

كيس مكرونة اسباكتى أو اى نوع حسب رغبتك 

1 بصلة كبيرة مفرومة+ بصلة صغيرة مفرومة للصلصة 

اكوب بقسماط مفروم ناعم 

معلقة كبيرة زعتر 

معلقة صلصة طماطم و2كوب طماطم 

فلفل مقطع قطع صغيرة 

ملح - فلفل اسود - بهاراتك اللى تحبيها

1 بيضة مخفوقة 

1/2كيلو لحم مفروم 

معلقة سكر 

فصين ثوم 

 زيت

 جبنة مونزريلا مبشورة للوجه

 طريقة التحضير 

سلق المكرونة 

1-نقوم بإحضار أناء به ماء على النار وبمجرد ان تغلى الماء ننزل المكرونة مع قليل من الملح والزيت ونتركها لمدة خمس دقائق 

2- نصفى المكرونة جيداً ونتركها

 خلطة اللحمة 

1- نقوم بإحضار اللحمة المفرومة والبصل والبقسماط والبيض والزعتر والصلصة وقليل من الملح والفلفل وبهاراتك الخاصة ونعجنهم سويا

2- نكورها على هيئة كور صغيرة ويمكن تركها فى الثلاجة لمدة نصف ساعة

3- نسخن الطاسة بقليل من الزيت ونضع كور اللحم المفروم حتى ينضج قليلا

4- ننزلها من على النار بعد حوالى ثلث ساعة وتكون محمرة 

طريقة عمل الصلصة 

 1- نسخن الزيت فى الطاسة جيدا ونقوم بوضع البصل والثوم والفلفل المقطع ونقلب حتى يدبل البصل 

2- نقوم بوضع كوبين من الطماطم المضروبه الفريش ونقلب بعد إضافة الملح والفلفل الاسود ومعلقة من السكر 

3- نترك الصلصة لكى تتسبك قليلا ثم نضع اللحم ونترك اللحم مع الصلصة لمدة خمس دقائق مش اكثر حتى لاتتفكك الكرات 

طريقة التقديم 

نحضر طبق التقديم نضع المكرونة 

ونضع عليها كرات اللحم بالصلصة

ونضع الجبنة المنزريلا المبشورة على الوجه

 وممكن نقدم بجانبها أى طبق سلطة وكمان بطاطس محمرة

وبالهناااااااااااااااااااا والشفااااااااااااااااااااااااا